Rusiyada nüvə qüvvələrinin tətbiqinə hazırlıq üzrə təlimlərə start verilir.
“Qafqazinfo” xəbər verir ki, bu barədə Rusiya Müdafiə Nazirliyinin Mətbuat xidməti məlumat yayıb.
Mayın 19-dan 21-dək davam edəcək təlimlərə strateji təyinatlı raket qoşunları, Sakit okean donanması, Şimal donanması, uzaq aviasiya komandanlığı, Leninqrad və Mərkəzi hərbi dairələrin qüvvələrinin bir hissəsi cəlb edilib.
Nüvə təlimlərində 64 mindən çox hərbi qulluqçu və 7800-dən çox hərbi texnika, o cümlədən 200-dən çox raket buraxılış qurğusu, 140-dan çox uçuş aparatı, 73 gəmi və 8-i strateji təyinatlı raket sualtı gəmisi olmaqla, 13 sualtı gəmi iştirak edəcək.
Təlimlərin əsas məqsədi düşməni çəkindirmə ilə bağlı hərəkətlərin işlənib hazırlanması və şəxsi heyətin hazırlıq səviyyəsinin yoxlanılmasıdır. Bundan əlavə, Belarusda yerləşdirilmiş nüvə silahının birgə hazırlanması və tətbiqi məsələlərinin işlənməsi planlaşdırılır. Nazirlik Rusiya ərazisindəki poliqonlarda ballistik və qanadlı raketlərin təlim buraxılışlarının həyata keçiriləcəyini açıqlayıb.
Xatırladaq ki, ötən gün Belarus ərazisində Belarus-Rusiya nüvə təlimlərinə start verilmişdi.
