Bu gün səhər saatlarından İranda ölkənin mərhum Ali Lideri Seyid Əli Xameneinin vida mərasiminə start verilib.

“Qafqazinfo” “Mehr” agentliyinə istinadən xəbər verir ki, mərasim paytaxt Tehranın Böyük Müsəlla məscidində başlayıb.
Ətraflı
Tədbirdə din xadimləri və xarici ölkələrin rəsmiləri iştirak edir.

Qeyd edək ki, mərasimin proqramına əsasən, vida mərasimləri təkcə İranda deyil, İraqın Nəcəf və Kərbəla şəhərlərində də keçiriləcək. Sabiq dini liderin cənazəsi iyulun 8-də İraqa aparılacaq. Bütün mərasimlərdən sonra Ayətullah Seyid Əli Xamenei öz vəsiyyətinə uyğun olaraq iyulun 9-da Məşhəd şəhərində torpağa tapşırılacaq.

Xatırladaq ki, 86 yaşlı Əli Xamenei fevralın 28-də Tehrana aviazərbələr nəticəsində həlak olmuşdu.

Ermənistanın Baş naziri Nikol Paşinyan İrana işgüzar səfərə yola düşüb.
“Qafqazinfo” Ermənistan mətbuatına istinadən xəbər verir ki, o bu gün Tehranda İranın mərhum Ali Lideri Əli Xameneinin vida mərasimində iştirak edəcək.

Paşinyanın İran rəhbərliyi ilə görüşlərinin də planlaşdırıldığı bildirilir.

İranın sabiq Ali rəhbəri Seyid Əli Xameneinin dəfn mərasimində Azərbaycandan nümayəndə heyəti iştirak edəcək.

“Qafqazinfo” xəbər verir ki, nümayəndə heyətinə Milli Məclisin sədri Sahibə Qafarova Baş nazirin müavini Şahin Mustafayev, Naxçıvan Muxtar Respublikasının Baş naziri Cabbar Musayev və digər rəsmilər daxildir.

Qeyd edək ki, Əli Xameneinin vida mərasimi 4-5 iyul tarixlərində Tehrandakı Mosalla kompleksində keçiriləcək, cənazə daha sonra Qum şəhərinə yola salınacaq.

Qum şəhərində vida mərasimindən sonra Ayətullah Seyid Əli Xamenei öz vəsiyyətinə uyğun olaraq iyulun 9-da Məşhəddə torpağa tapşırılacaq.

Xatırladaq ki, Seyid Əli Xamenei 28 fevralda ABŞ və İsrailin Tehrana birgə hücumu zamanı yaxın ailə üzvləri ilə birlikdə öldürülüb. Daha sonra onun yerinə oğlu Müctəba Xamenei seçilib.

ABŞ və İran nümayəndələri arasında danışıqlar İranın mərhum Ali Lideri Seyid Əli Xameneinin dəfnindən sonra baş tutacaq.

“Qafqazinfo” xəbər verir ki, bu barədə məlumatı Qətər Xarici İşlər Nazirliyinin rəsmi nümayəndəsi Məcid əl-Ənsari “X” hesabında açıqlayıb.

Onun sözləriə görə, Qətər və Pakistandan olan vasitəçilər Dohada ABŞ və İran nümayəndələri ilə ayrılıqda görüşlər keçirib. Ənssari danışıqlar prosesində müsbət irəliləyiş olduğunu diqqətə çatdırıb.

Qeyd edək ki, Əli Xamenei ilə vida mərasimi iyulun 4-dən 9-na qədər Qum, eləcə də İraqın Nəcəf və Kərbəla şəhərlərində təşkil ediləcək. Dəfn isə iyulun 9-da Məşhəddə həyata keçiriləcək.

Avropa Beynəlxalq Hava Limanları Şurası (ACI Europe) Avropa Komissiyasının sədri Ursula fon der Lyayenə sərnişin axınının pik dövrlərində hava limanlarında biometrik rəqəmsal nəzarət sisteminin müvəqqəti dayandırılması xahişi ilə müraciət edib.

“Qafqazinfo” xəbər verir ki, bu barədə “Financial Times” (FT) qəzeti məlumat yayıb.

Bildirilir ki, bu xahiş yeniliyin tətbiqindən sonra pasport nəzarəti məntəqələrində yaranan uzunmüddətli növbələrlə bağlıdır. Müraciətin müəllifləri hesab edirlər ki, yay turizm mövsümünün qızğın çağında yoxlamalar sərhəddə növbələrin əhəmiyyətli dərəcədə artmasına və reyslərin gecikməsinə səbəb ola bilər. Onlar təklif ediblər ki, sərnişin axını sərhəd infrastrukturunun buraxılış qabiliyyətini aşdığı halda iyul və avqust aylarında hava limanlarında yoxlamaların tamamilə dayandırılmasına icazə verilsin.

Mütəxəssislərin məlumatına görə, bir sıra hava limanlarında sərnişinlər artıq saatlarla davam edən növbələrlə üzləşirlər, bəzi təyyarələr isə boş yerlərlə uçmağa məcbur olurlar, çünki sərnişinlərin bir hissəsi sərhəd nəzarətindən keçməyə vaxt tapmır.

Qeyd edək ki, yeni tətbiq olunan “Schengen Entry/Exit System” (EES) sistemi Aİ-yə üzv olmayan ölkələrin vətəndaşlarından barmaq izlərinin və fotoşəkillərin qeydə alınmasını tələb edir. Sistemin Avropa hava limanlarında tətbiqi apreldə başa çatıb.

Qazaxıstanda bu gündən ölkənin yeni Konstitusiyası qüvvəyə minib.

“Qafqazinfo” xəbər verir ki, bununla da Qazaxıstanın 1995-ci il 30 avqust tarixli əvvəlki əsas qanunu qüvvədən düşüb.

Eyni zamanda, Məclis və Senatdan ibarət ikipalatalı parlamentin də səlahiyyətlərinə xitam verilib.

Qazaxıstan Prezidenti Kasım-Jomart Tokayev xalqı yeni Konstitusiyanın qüvvəyə minməsi münasibətilə təbrik edib.

Qeyd edək ki, bu ilin martın 15-də referendumla qəbul edilən Konstitusiyada bir neçə əsas yeniliklər mövcuddur. Bunlar arasında vitse-prezident vəzifəsinin təsis edilməsi, parlamentin birpalatalı olması və Kurultay adlandırılması (o, 145 deputatdan ibarət olacaq və müstəsna olaraq partiya əsasında seçiləcək), Qazaxıstanın ali məsləhətçi orqanı olan “Xalq Keneşi”nin (Xalq Şurası) yaradılması, Qazaxıstan Xalqı Assambleyasının ləğv edilməsi var.

Kurultaya seçkilər Konstitusiyanın qüvvəyə mindiyi gündən etibarən bir ay ərzində prezident tərəfindən elan edilməli və iki ay ərzində keçirilməlidir. Birinci çağırış Kurultayın ilk sessiyasının açıldığı gündən etibarən iki ay ərzində prezident Kurultayın razılığı ilə vitse-prezidenti təyin etməlidir.

Fransada növbəti prezident seçkiləri 2027-ci il 18 aprel və 2 may tarixlərinə (birinci və ikinci turlar - red.) planlaşdırılıb.

“Qafqazinfo” xəbər verir ki, bu barədə “Le Figaro” nəşri mənbələrə istinadən məlumat yayıb.

Bildirilib ki, seçkilərin tarixləri ilə bağlı rəsmi qərar Nazirlər Şurasının iyulun 1-də keçiriləcək iclasında qəbul edilməlidir.

Seçkilər hazırkı dövlət başçısı Emmanuel Makronun sonuncu, ikinci prezidentlik müddətinin mayın 14-də başa çatmasından 12 gün əvvəl yekunlaşacaq.

Nəşrin məlumatına görə, hökumət seçkilərin keçirilmə tarixləri üçün iki variant nəzərdən keçirib. Belə ki, səsverməni aprelin 11-i və 25-inə təyin etmək və ya tarixləri bir həftə irəli çəkmək təklif olunub. Nəticədə ikinci varianta üstünlük verilib.