Bu gün dünya çempionatında 1/16 final mərhələsinə start veriləcək.

“Qafqazinfo” xəbər verir ki, ilk görüşdə meydan sahiblərindən Kanada Cənubi Afrika ilə üz-üzə gələcək.

DÇ-2026

Pley-off 23:00.

Cənubi Afrika - Kanada

***

Matç başladı.

***

Fasilə.

***

İkinci hissə başladı.

***

Kanada 90+2-ci dəqiqədə hesabı açır. Euştakio fərqlənir.

***

Matç başa çatır. Kanada tarix yazaraq ilk dəfə 1/8 finala çıxır.

“Qarabağ”ın daha bir ulduz futbolçusu komandanı tərk edib.

“Qafqazinfo” xəbər verir ki, Leandro Andrade Ukraynanın “Polesye” klubuna transfer edilib.

Bu barədə klub məlumat yayıb. Bildirilib ki, Ukrayna klubunun təklifi və yarımmüdafiəçinin istəyi nəzərə alınaraq müsbət cavablandırılıb. Klublar arasında aparılan danışıqlar uğurla yekunlaşıb və tərəflər arasında razılıq əldə olunub.

Qeyd edək ki, kabo-verdeli futbolçu 2022-ci ilin yanvarından “Qarabağ”ın formasını geyinir. O, komandanın heyətində 2021-2022, 2022-2023, 2023-2024 və 2024-2025-ci illər mövsümlərində Azərbaycan çempionu olub, 2021-2022 və 2023-2024-cü illər mövsümlərində Azərbaycan kubokunu qazanıb.

“Qarabağ”ın 2023-2024-cü illər mövsümündə UEFA Avropa Liqasının 1/8 finalına, 2025-2026-cı illər mövsümündə UEFA Çempionlar Liqasının pley-offuna yüksəlməsində əməyi olan Andrade 2022-2023 və 2024-2025-ci illər mövsümlərində UEFA Avropa Liqasının əsas, 2021-2022 və 2022-2023-cü illər mövsümlərimdə UEFA Konfrans Liqasının pley-off mərhələlərinin iştirakçısı olub.

Leandro “Qarabağ”da keçirdiyi ümumilikdə 213 matçda 60 qol vurub. O, “Qarabağ”da oynadığı müddətdə Avropa miqyaslı klub turnirlərinin tarixinə düşüb. Belə ki, əsas mərhələlərin üç fərqli matçının 1-ci dəqiqəsində qol sevinci yaşayan ilk və yeganə oyunçudur.

Onu da bildirək ki, L.Andrade “Qarabağ” klubunun ən bahalı oyunçusu idi. Onun transfer dəyəri 3,5 milyon avrodur.

Peşəkar Futbol Liqası (PFL) Azərbaycan futbolunda ilk dəfə tətbiq olunan yeni təşviq mexanizmi çərçivəsində klublara ödənişlər həyata keçirib.

“Qafqazinfo” xəbər verir ki, AFFA İcraiyyə Komitəsinin qərarına əsasən, Misli Premyer Liqasında iştirak edən klubların sifariş vərəqəsində yer alan legioner futbolçular üzrə ödənilən rüsumlar hesabına formalaşan bonus fondu Premyer Liqa klubları arasında bölüşdürülüb.

Bölgü yerli futbolçuların meydana çıxdığı dəqiqələr əsasında aparılıb. Mövsüm ərzində Peşəkar Futbol Liqası tərəfindən müvafiq hesablamalar aparılıb, bütün göstəricilər təhlil olunub və yekun nəticələr AFFA İcraiyyə Komitəsinin təsdiqlədiyi meyarlara uyğun müəyyənləşdirilib.

İcraiyyə Komitəsinin qərarına əsasən, bonus fondunun həcmi minimum 1 milyon manat olaraq nəzərdə tutulsa da, Peşəkar Futbol Liqası tərəfindən klubların hesabına ümumilikdə 2 milyon 610 min manat köçürülüb.

Yekun bölgüdə ilk pillədə “Qəbələ” klubu qərarlaşıb. Daha əvvəl elan olunduğu kimi, klub hesablanmış məbləğə əlavə olaraq 50 min manat həcmində xüsusi bonus da əldə edib. Klublara köçürülən vəsaitlərin məbləği və bölgünün bütün detalları təqdim olunan cədvəldə öz əksini tapıb. Peşəkar Futbol Liqası ümid edir ki, ilk dəfə tətbiq edilən bu təşviq mexanizmi klubların maliyyə dayanıqlığının gücləndirilməsinə, növbəti mövsüm üçün büdcələrinin formalaşdırılmasına, yerli futbolçuların inkişafının stimullaşdırılmasına və Azərbaycan futbolunun davamlı inkişafına mühüm töhfə verəcək.

2026-cı il Dünya Çempionatının E qrupunda Kürasao tarixinin ən yaddaqalan nəticələrindən birinə imza atıb.

“Qafqazinfo” xəbər verir ki, Karib hövzəsi təmsilçisi Ekvadorla 0:0 hesablı heç-heçə edərək mundial tarixində ilk xalını qazanıb.

Matçın əsas qəhrəmanı Kürasaonun qapıçısı Eloy Rom olub.

Kanzas-Sitidə keçirilən görüşdə Ekvadorun çoxsaylı hücumlarını dəf edən təcrübəli qolkiper düz 15 “seyv” edərək, komandasını məğlubiyyətdən xilas edib. Bununla da o, DÇ tarixində 90 dəqiqəlik oyunda ən çox “seyv” edən qapıçı adına sahib çıxıb.

Bu göstərici mundialın ümumi rekordundan cəmi bir “seyv” geri qalır. Rekord 2014-cü il DÇ-də Belçikaya qarşı 16 “seyv” edən ABŞ millisinin sabiq qapıçısı Tim Hovarda məxsusdur.

Təxminən 156 min əhalisi olan və DÇ-də iştirak edən ən kiçik ölkələrdən biri sayılan Kürasao məhz Romun möhtəşəm performansı sayəsində turnirdə ilk xalını əldə edib və növbəti mərhələ şansını qoruyub saxlayıb.

Oyundan sonra danışan Eloy Rom rekord göstəricidən xəbərsiz olduğunu bildirib.

“Matç zamanı bu barədə düşünmürdüm. Düzünü desəm, Tim Hovardın rekorduna çata bilmədiyim üçün bir az məyus oldum”, - o, zarafatla bildirib.

“Zərbələr vururuq, qol olmur. Top dirəkdən qayıdır. Bu, sadəcə bəxtsizlikdir”.

“Qafqazinfo” xəbər verir ki, bu sözləri “TRT Spor” a Türkiyə millisinin kapitanı Hakan Çalhanoğlu Paraqvaya 1:0 uduzduqları oyundan sonra deyib.

O rəqibin cəmi bir zərbə ilə oyunu qazandığını bildirib: “Söz tapmaq çətindir. Əlimizdən gələnin hamısını etdik, amma alınmadı. Xalqımızdan üzr istəyirəm, gənc komandayıq. Qarşıda bizi hələ çox turnirlər gözləyir. Bəlkə də bu, mənim son turnirim ola bilər, amma gəlin gənc oyunçularımıza sahib çıxaq və onları dəstəkləyək”.

“Ay ulduzlar”ın gənc oyunçusu Arda Gülər də Türkiyə xalqından DÇ ilə vidalaşdıqlarına görə üzr istəyib: “Utanırıq. Çox böyük klublarda oynayırıq və bunu meydanda da göstərməliyik. İki oyunda qol vura bilmədik. Milli komanda karyeram boyunca bu turniri unutdurmaq üçün əlimdən gələni edəcəyəm. Xalqımızdan üzr istəyirik”.

Qeyd edək ki, Türkiyə yığması ilk turda Avstraliyaya 0:2 hesabı ilə, budəfəki turda isə Paraqvaya 1:0 uduzmaqla dünya çempionatı ilə vidalaşıb.

İran Futbol Federasiyası 2026-cı il Dünya Çempionatı çərçivəsində milli komandaya tətbiq olunan məhdudiyyətlərlə bağlı FIFA-ya rəsmi şikayət etməyə hazırlaşır.

“Qafqazinfo” xəbər verir ki, 21 iyun tarixində G qrupunda Belçika ilə qarşılaşacaq İran millisinin Los-Ancelesə yalnız oyundan 24 saat əvvəl gəlməsinə icazə verilib.

İlk qrup matçında Yeni Zelandiya ilə 2:2 hesablı heç-heçədən sonra İran millisinin ertəsi gün səhər bərpa məşqinin ardından düşərgədən ayrılaraq Meksikanın Tixuana şəhərinə qayıtmaq istəyinin rədd edildiyi bildirilir.

İran Futbol Federasiyası yayımladığı açıqlamada bu vəziyyəti ədalətli yarış prinsiplərinə zidd hesab etdiyini vurğulayıb: “Biz inanırıq ki, bu cür məhdudiyyətlər bütün iştirakçı komandalar üçün bərabər şəraitin təmin edilməsi prinsipinə ziddir və hazırlıq prosesinə mənfi təsir göstərə bilər. Federasiya rəsmi narazılığını bildirəcək və FIFA-ya şikayət edəcək”.

Qurum həmçinin bildirib ki, bütün çətinliklərə baxmayaraq, milli komanda hazırlıqlarını davam etdirəcək və diqqətini Belçika ilə oyuna yönəldəcək.

“Bizə dərhal ayrılmalı olduğumuz deyildi. Bu, bizi çətin vəziyyətə saldı. Niyə geri göndərildiyimizi başa düşmədik. Sanki bizim üçün başqası plan qurur”, - baş məşqçi Əmir Qalenoi qeyd edib.

Qalenoi əlavə edib ki, komanda turnirdə ən çox təzyiq altında olan və ən az imtiyaz əldə edən yığmalardan biridir.

Özbəkistan milli komandasının yarımmüdafiəçisi Abbosbek Fayzullayev XXI əsrdə dünya çempionatlarında başla qol vuran ən qısaboylu futbolçu kimi unikal rekorda imza ataraq adını tarixə yazdırıb.

Oxu.Az xəbər verir ki, bu statistik məlumatı "Opta Sports" teleqram kanalı yayımlayıb.

Boyu cəmi 167 santimetr olan 22 yaşlı gənc istedad DÇ-2026-nın qrup mərhələsi çərçivəsində Kolumbiya ilə keçirilən gərgin qarşılaşmada (1:3) Özbəkistan yığmasının yeganə qolunun müəllifi olub.

Məhz bu dəqiq baş zərbəsi sayəsində yarımmüdafiəçi daha öncə uruqvaylı Corcian de Arraskaetaya (boyu 173 sm) məxsus olan əvvəlki rekordu yeniləyib.

Qeyd edək ki, Arraskaeta öz rekordunu DÇ-2022-də Qana yığmasının qapısına başla yol taparaq müəyyənləşdirmişdi.

Kanada millisi dünya çempionatları tarixində ilkə imza atıb.

“Qafqazinfo” xəbər verir ki, onlar ötən gün Bosniya və Herseqovina ilə 1:1-lik heç-heçə etməklə mundiallar tarixində ilk xalını qazanıblar.

Buna qədər Kanada millisi 1986 və 2022-ci illərdə dünya çempionatında çıxış edib.

Hər iki çempionatda onlar qrupda keçirdiyi 3 oyunun hamısında məğlub olublar.