Dünyaca məşhur supermodel Bella Hadid Laym (“Lyme”) xəstəliyinin kəskinləşməsi səbəbindən evdən çıxa bilmir.

“Qafqazinfo” xəbər verir ki, bu barədə o, öz instaqram hesabında paylaşım edib.

Model ağlayarkən çəkilmiş fotolarını izləyiciləri ilə bölüşərək vəziyyətinin ağır olduğunu bildirib:

“Bu kəskinləşmə dövründən heç cür çıxa bilmirəm. Yenə 11 saat yatmışam... Hər gün günorta vaxtı da yatıram. Getdiyim bütün həkimlərin verdiyi tövsiyələri, hər bir metodu yoxlamışam. Amma heç nə kömək etmir. Bu gün mənə “gündəlik tut” deyiləcək gün deyil. Bəli, su içmişəm və xeyr, gəzməyə çıxmamışam, çünki mən heç mətbəxdən o tərəfə keçə bilmirəm. Mənə elə gəlir ki, beynimdə bir dənə də olsun işlək hüceyrə qalmayıb, son iki hüceyrəm isə bir-biri ilə savaşır. Bu gün hamam qəbul etdim və huşumu itirib yıxılmadım... Bu, mənim üçün bu günün ən böyük nailiyyəti idi”.

Qeyd edək ki, Bella Hadid uzun illərdir gənə dişləməsi vasitəsilə ötürülən və sinir, oynaq, ürək sisteminə ciddi ziyan vuran xroniki Laym xəstəliyindən əziyyət çəkir.

Türkiyədə aparılan narkotik istintaqı çərçivəsində daha 22 məşhur saxlanılıb.

“Qafqazinfo” xəbər verir ki, bununla bağlı Türkiyə KİV məlumat yayıb.

Bildirilib ki, onların arasında Kenan Doğulu və həyat yoldaşı Beren Saat, Enis Arıkan, Kerimcan Durmaz, həmçinin Berdan Mardini var.

Qeyd edək ki, Türkiyədə ötən ildən narkotiklə bağlı həyata keçirilən əməliyyat çərçivəsində bir çox məşhur simalar saxlanılıb və daha sonra sərbəst buraxılıb.

Bir müddətdir ekranlardan uzaq qalan türkiyəli aktrisa İrem Helvacıoğlu bu barədə açıqlama verib.

“Qafqazinfo” xəbər verir ki, bu barədə Türkiyə KİV məlumat yayıb.

Aktrisa bildirib ki, onun fasilə verməsinin səbəbi səhhəti ilə bağlı olub:

“Səhhətimdə problem yaşadım. Vəziyyətə görə Sora ilə birlikdə vaxt keçirməli olduq. Layihələri tezliklə bərpa edəcəyik”,- deyə Helvacıoğlu bildirib.

Aktrisanın açıqlaması pərəstişkarları tərəfindən maraqla qarşılanıb.

O, yaxın zamanda yenidən yeni layihələrlə tamaşaçı qarşısına çıxacağını vurğulayıb.

ABŞ-də tanınmış aktyor Ceyms Hendi Los-Ancelesin Tarzana bölgəsində baş verən bıçaqlanma hadisəsi nəticəsində həyatını itirib. Hadisə ilə bağlı aktyorun sevgilisinin oğlu saxlanılıb.

“Qafqazinfo” xəbər verir ki, Los-Anceles Polis Departamentinin məlumatına görə, hadisə səhər saatlarında qeydə alınıb. Polis Tarzanadakı yaşayış məhəlləsində yerləşən evdən daxil olan zəngdən sonra hadisə yerinə yollanıb. Zəng edən şəxs “Mən günah adamını öldürdüm” ifadəsini işlədib.

Hüquq-mühafizə orqanlarının əməkdaşları hadisə yerinə çatdıqda 81 yaşlı Hendini evin həyətində huşsuz vəziyyətdə, sinəsindən bıçaq xəsarəti almış halda aşkar ediblər. Aktyor xəstəxanaya çatdırılsa da, onun həyatını xilas etmək mümkün olmayıb.

Polis bıçaqlanma hadisəsində şübhəli bilinən 44 yaşlı Maykl Qledhili saxlayıb. Məlumata görə, o, anası ilə birlikdə həmin evdə yaşayıb və anası Ceyms Hendi ilə münasibətdə olub. Şübhəli hadisə yerinə gələn polis əməkdaşlarına axtardıqları şəxsin özü olduğunu bildirib.

Qledhil qətldə şübhəli bilinərək həbs olunub və Van Nuys həbsxanasına aparılıb. Məhkəmə onun üçün 2 milyon dollar məbləğində girov təyin edib.

İstintaq orqanları hadisənin ictimaiyyət üçün əlavə təhlükə yaratmadığını açıqlayıb.

Qeyd edək ki, Ceyms Hendi Hollivudun tanınmış xarakter aktyorlarından biri hesab olunurdu. O, yarım əsrdən artıq davam edən karyerası ərzində 150-dən çox film və serialda rol alıb. Aktyor xüsusilə “Top Gun: Maverick”, “Logan”, “Jumanji” və “Arachnophobia” filmlərindəki obrazları ilə yadda qalıb.

Hendi həmçinin “Alias”, “Criminal Minds”, “NCIS: Los Angeles”, “CSI: NY”, “Cold Case” və digər məşhur televiziya layihələrində çəkilib.

“A.B.İ.” serialının heyətinə yeni aktyor qatılıb.

“Qafqazinfo” xəbər verir ki, yeni mövsüm öncəsi heyətdə mühüm dəyişiklik baş verir.

Əsas qəhrəman “Doğan”ın (Kenan İmirzalıoğlu) həyatında yeni bir mərhələnin başlanacağı qeyd olunur.

Serialda “Tahir” və “Çağla”nın ölümü ilə sarsılan gedişat daha da gərginləşəcək.

Sezon finalı çəkilişləri davam edərkən heyətə gənc aktyor Efekan Can əlavə olunub.

O, serialda “Cemo” obrazını canlandıracaq və ikinci mövsümdə də layihədə yer alacağı bildirilir.

Ötən günlərdə xəstəxanaya yerləşdirilən türkiyəli müğənni Haluk Leventin vəziyyəti açıqlanıb.

“Qafqazinfo” xəbər verir ki, bu barədə Türkiyə KİV məlumat yayıb.

Bildirilib ki, müayinələr zamanı mədə qanaxması keçirdiyi müəyyən edilən müğənninin vəziyyəti yaxşıdır və o bu gün evə buraxılıb.

Qeyd edək ki, sənətçi Eskişehirdəki konsertindən sonra AFAD-da (Fəlakət və Fövqəladə Hallar Rəhbərliyi) baş tutacaq görüşə gedərkən mədə qanaxması keçirdiyindən xəstəxanaya yerləşdirilmişdi.

Məşhur türkiyəli aktrisa Serenay Sarıkaya Türkiyəni tərk edərək İtaliyaya köçmək qərarına gəlib.

“Qafqazinfo” xəbər verir ki, aktrisa bundan sonra ilin böyük hissəsini Sardiniya adasında keçirəcək.

Məlumata əsasən, Sarıkaya son dövrlərdə həm şəxsi həyatı, həm də karyerası ilə gündəmdə olub. 33 yaşlı aktrisa son olaraq “Kimler Geldi, Kimler Geçti” serialında “Leyla Taylan” obrazını canlandırıb.

Aktrisanın adı bir müddət əvvəl meneceri Ayşe Barım ətrafında yaranan qalmaqallarda da hallanmışdı. Bu prosesdən sonra Sarıkayanın ölkədən uzaqlaşmaq qərarı aldığı iddiaları daha da güclənib.

Digər tərəfdən, Sarıkayanın iki ilə yaxındır münasibətdə olduğu müğənni Mert Demirlə birlikdə İtaliyaya köçüb-köçməyəcəyi hələlik məlum deyil.

Türkiyə mediasında məşhur serial aktyorları İlhan Şen və Biran Damla Yılmaz haqqında yeni sevgi iddiası gündəmə gəlib.

“Qafqazinfo” xəbər verir ki, NOW TV-də yayımlanan “Halef: Köklərin Çağırışı” serialının çəkiliş meydançasında başlayan yaxınlıq zamanla romantik münasibətə çevrilib.

Məsələ ilə bağlı açıqlama verən jurnalist Seyhan Erdağ bildirib ki, cütlük bir müddətdir birlikdədir. Onun sözlərinə görə, serialın ilk çəkiliş dönəmində hər iki aktyorun şəxsi münasibətləri olsa da, sonradan aralarında yaxınlaşma yaranıb.

Ərdağ canlı yayım zamanı “Onlar artıq çəkiliş meydançasında birlikdə vaxt keçirir və bir-birlərinə “sevgilim” deyə müraciət edirlər” sözlərini işlədib.

Veriliş zamanı serialın digər baş rol ifaçılarından biri olan Aybüke Pusat haqqında da diqqətçəkən iddia səsləndirilib. Bildirilib ki, aktrisa mövsümün sonunda layihədən ayrılmağa hazırlaşır. Buna səbəb kimi isə çəkiliş meydançasında yaşandığı iddia edilən problemlər göstərilib.