Deputat Səbinə Salmanovaya ağır itki üz verib.

“Qafqazinfo” “Unikal”a istinadən xəbər verir ki, onun atası Qədir Salmanov dünyasını dəyişib.

Mərhum sabah Sumqayıt şəhər qəbiristanlığında torpağa tapşırılacaq.

3 mərasimi isə iyulun 8-də saat 11:00-da Heydər məscidində keçiriləcək.

Həkəri çayının Zəngilan rayonu, Ağalı kəndindən keçən hissəsində batan kişinin axtarışları davam edir.

“Qafqazinfo” xəbər verir ki, məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

“AzerGold” QSC-nin fəaliyyətə başlamasının 10-cu ildönümü münasibətilə dövlət şirkəti və onun törəmə müəssisələri – “Daşkəsən Dəmir Filiz” MMC və “AzerBlast” MMC-nin rəhbər heyəti Fəxri xiyabanda Ümummilli Lider Heydər Əliyevin əziz xatirəsini dərin ehtiramla yad edib, abidəsi önünə gül dəstələri düzüblər.

“Qafqazinfo” xəbər verir ki, ziyarət çərçivəsində görkəmli oftalmoloq-alim, akademik Zərifə Əliyevanın da xatirəsi anılıb, məzarı üzərinə tər güllər qoyularaq onun elmi irsinə və insanlığa xidmət edən zəngin həyat yoluna hörmət ifadə olunub.

Daha sonra ziyarətçilər Şəhidlər xiyabanına gedərək Azərbaycanın müstəqilliyi və ərazi bütövlüyü uğrunda canından keçmiş qəhrəman Vətən övladlarının xatirəsini ehtiramla yad ediblər. Şəhidlərin məzarları önünə gül dəstələri qoyulub, onların əziz xatirəsi dərin minnətdarlıq və ehtiramla anılıb.

Qeyd edək ki, Prezident İlham Əliyevin 11 fevral 2015-ci il tarixli sərəncamına uyğun olaraq təsis edilən “AzerGold” 5 iyul 2016-cı il tarixində dövlət qeydiyyatına alınaraq, fəaliyyətə başlayıb.

Artıq 10 ildir Azərbaycanın yeraltı sərvətlərinin səmərəli və dayanıqlı idarə olunması istiqamətində fəaliyyət göstərən Səhmdar Cəmiyyəti faydalı qazıntı yataqlarının kəşfi, tədqiqi, qiymətli metalların hasilatı, yerli və beynəlxalq bazarlarda satışı ilə milli iqtisadiyyata və sosial inkişafa davamlı töhfələr verir.

XTQ-nin baş giziri Zaur Ələkbərovun xatirələri.

Xüsusi təyinatlıların ehtiyatda olan baş giziri Ələkbərov Zaur Zakir oğlu qısaca özüm haqqında sizlərə məlumat vermək istəyirəm.

Xüsusi təyinatlılarda ümumi xidmət müddətim 21 il 6 ay olmuşdur. Bu illər ərzində çoxsaylı əməliyyatlarda və döyüşlərdə iştirak etmişəm. 2012-ci ildən 2016-cı ilədək düşmənin dərinliklərində dəfələrlə hücum qruplarının tərkibində kəşfiyyat əməliyyatları icra etmişəm.

2016-cı ilin Aprel döyüşlərinin iştirakçısıyam.

2020-ci il 44 günlük Vətən müharibəsinin ilk günündən son gününədək döyüşlərdə iştirak etmişəm. 2020-ci ilin dekabr ayında Xocavənd əməliyyatında 62 erməni əsirinin ələ keçirilməsi əməliyyatının iştirakçısı olmuşam.

2021-ci ildə Kəlbəcər istiqamətində dövlət sərhədlərinin bərpası üzrə həyata keçirilən əməliyyatların iştirakçısı olmuşam.

2022-ci ildə Kəlbəcər ərazisində keçirilən 4 günlük sarsıdıcı zərbə əməliyyatının iştirakçısı olmuşam.

2023-cü ildə keçirilən antiterror əməliyyatının iştirakçısıyam.

Xüsusi təyinatlı qüvvələr ailəsinə qatılmadan öncə insan min dəfə ölçüb-biçməli, sonra bu yolu seçməlidir. Çünki ilk öncə hara getdiyini, hansı qurumun kursuna qatıldığını və necə bir həyatın içinə daxil olacağını anlamalısan. Xüsusi təyinatlı qüvvələr sadəcə bir peşə deyil, bu bir həyat tərzi, bir iradə məktəbi və Vətənə verilən sədaqət andıdır.

Xüsusi təyinatlı olmaq sadəcə bir qurumun geyimini geyinmək, başına bordo beret qoymaq, sol böyrünə bıçaq, sağ böyrünə silah taxmaq demək deyil. Bunlarla insan xüsusi təyinatlı olmur. Xüsusi təyinatlı olmaq üçün illər lazımdır — ağır təlimlər, çətin tapşırıqlar, saysız-hesabsız sınaqlar, gecə-gündüz məşqlər və iradəni sındıran anlar lazımdır. Çünki burada insanın təkcə fiziki gücü yox, ruhu, iradəsi, sədaqəti və Vətən sevgisi sınanır.

Bu qüvvələrdə “acmışam”, “yorulmuşam”, “yuxusuzam”, “hava çox soyuqdur”, “qar yağır”, “borandır”, “gedə bilmirəm”, “dözə bilmirəm” kimi anlayışlar olmur. Əvvəlcə insan psixoloji olaraq hər çətinliyə hazır olmalıdır. Çünki xüsusi təyinatlı qüvvələr ailəsinə qoşulmaq üçün sən həyatında bir çox şeyləri torpağın, bayrağın, dövlətin və ailən naminə qurban verməlisən.

Sən artıq bir çox şeylərdən məhrum olacaqsan və olursan da. Yaxşı istirahətlər, rahat həyat, restoranlar, parkda gəzmək, xarici ölkələrdə dincəlmək… Sənin istirahətin dağlarda, dərələrdə, palçıqda, qarda və yağışın altında keçəcək. Bəzən günlərlə yuxusuz qalacaqsan, bəzən bir tikə çörəyə möhtac olacaqsan, amma yenə də tapşırıqdan geri dayanmayacaqsan. Çünki sən artıq özünü yox, dövlətini düşünən insan olacaqsan.

Bəzən ailəndən uzaqda olacaqsan. Ən yaxınlarının yanında ola bilməyəcəksən. Bayram günlərini səngərdə, gecələri pusquda keçirəcəksən. Sənin üçün zaman anlayışı dəyişəcək. Çünki xüsusi təyinatlı üçün ən önəmli məsələ tapşırığın uğurla icra olunmasıdır.

Çünki sənə verilən tapşırıq Azərbaycanın ərazi bütövlüyünü və dövlətimizin suverenliyini qorumaq olacaq. Düşmən dərinliklərində tapşırıqlar icra edəcəksən. Elə tapşırıqlar olacaq ki, adın bilinməyəcək, gördüyün işlər gizli qalacaq, amma dövlətin və millətin sənin xidmətini hər zaman hiss edəcək.

Hər dəfə tapşırığa gedəndə düşünmə ki, getdiyin kimi də geri qayıdacaqsan. Xeyr… belə bir zəmanət yoxdur. Çünki bu yol ölümün gözünün içinə baxaraq irəliləməkdir. Bu yol qorxunu məğlub edib tapşırığı sona qədər yerinə yetirməkdir.

Qayıdacaqsan… Amma necə qayıdacağını heç kim bilmir. Geri dönməyin üç yolu var:

Birincisi — getdiyin kimi sağlam şəkildə qayıtmaq.

İkincisi — yaralı qayıtmaq, əlini, ayağını itirərək dönmək. Necə ki, 44 günlük Vətən müharibəsində bunu yaşayan igidlərimiz oldu.

Üçüncüsü isə — sənin nəşinin qayıtmasıdır. Yenə də 44 günlük Vətən müharibəsində olduğu kimi...

Bəli, bu yol ağırdır. Bu yol qorxu, ağrı, həsrət və çətinliklə doludur. Amma bu yolun sonunda Vətən sevgisi, şərəf və qürur dayanır. Çünki xüsusi təyinatlı olmaq hər adamın bacaracağı iş deyil. Bu adı daşımaq üçün ürək lazımdır, sədaqət lazımdır, Vətən üçün canından keçməyi gözə almaq lazımdır.

Nə qədər ağır olsa da, bir o qədər də şərəflidir xüsusi təyinatlı qüvvələrdə xidmət etmək. Çünki sən artıq təkcə öz həyatını yaşamırsan, sən bir millətin güvənini daşıyırsan.

Bəli, bizlər heç vaxt rahat yatmağı, rahat yeməyi, gəzməyi düşünmədik. Bizim bir amalımız oldu — dövlətimizə, millətimizə, torpağımıza və Müzəffər Ali Baş Komandanımıza xidmət etmək, onun etimadını doğrultmaq. Biz bilirdik ki, bizim rahat yatmadığımız gecələrdə xalqımız rahat yatacaq. Biz bilirdik ki, bizim çəkdiyimiz əziyyət dövlətimizin gücü və xalqımızın təhlükəsizliyi üçündür.

44 günlük Vətən müharibəsində Azərbaycan əsgəri və xüsusi təyinatlıları bütün dünyaya göstərdi ki, bu xalq öz torpağı uğrunda son nəfəsinə qədər döyüşməyi bacarır. O savaşda şəhid olan qardaşlarımız bizim baş tacımız, qazilərimiz isə yaşayan qəhrəmanlarımız oldular.

Məhz xüsusi təyinatlı qüvvələrdə də bu məqsədlə xidmət etməlisən. Çünki bu yolun sonunda ya qəhrəmanlıq var, ya da şəhidlik. Hər iki halda isə sən artıq Vətən üçün yaşayan və Vətən üçün döyüşən bir ömür yazmış olursan.

Vətən sağ olsun!

Qanunun keşiyində keçən ömür, dövlətə sədaqətlə yazılan xidmət salnaməsi

Gəncə Şəhər Baş Polis İdarəsinin rəisi, polis general-mayoru Teymur Hacıyevə ehtiram

İyulun 2-si Azərbaycan Polisi Günüdür. Bu tarix təkcə peşə bayramı deyil, həm də dövlətə sədaqətin, xalqa xidmətin, qanunun aliliyinin və vətəndaş təhlükəsizliyinin rəmzi olan Azərbaycan polisinin şərəf salnaməsinin növbəti səhifəsidir. Bu gün gecəsini gündüzünə qatan, Vətən qarşısında içdiyi anda ömrü boyu sadiq qalan, ictimai asayişi qoruyan, cinayətkarlığa qarşı qətiyyətlə mübarizə aparan bütün polis əməkdaşlarının əməyinə hörmət və ehtiram günüdür.

Azərbaycan polisi yüz ildən artıq tarixi inkişaf yolu keçərək bu gün müasir dövlətçiliyin ən mühüm dayaqlarından birinə çevrilmişdir. Bu yolun ən çətin mərhələlərində polis əməkdaşları xalqın yanında olmuş, dövlətin təhlükəsizliyi və sabitliyi naminə böyük fədakarlıq göstərmişlər.

Müstəqil Azərbaycanın hüquq-mühafizə sisteminin möhkəm əsaslar üzərində qurulması Ümummilli Lider Heydər Əliyevin adı ilə bağlıdır. Daxili işlər orqanlarında aparılan köklü islahatlar, peşəkar kadrların yetişdirilməsi, qanunçuluğun təmin edilməsi və polis-vətəndaş münasibətlərinin inkişaf etdirilməsi məhz onun müəyyən etdiyi dövlətçilik strategiyasının mühüm istiqamətlərindən olmuşdur.

Bu gün həmin siyasət Azərbaycan Respublikasının Prezidenti İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə daxili işlər orqanlarının maddi-texniki bazası müasir standartlara uyğun yenilənmiş, rəqəmsal idarəetmə imkanları genişləndirilmiş, əməkdaşların sosial müdafiəsi gücləndirilmiş və hüquq-mühafizə sisteminin fəaliyyətinin səmərəliliyinin artırılması istiqamətində ardıcıl tədbirlər həyata keçirilmişdir.

Azərbaycan polisi bu gün yalnız qanunun keşiyində duran qurum deyil. O, dövlətimizin sabitliyinin, cəmiyyətimizin təhlükəsizliyinin və vətəndaşlarımızın rahat həyatının əsas təminatçılarından biridir. Bu şərəfli missiyanın yerinə yetirilməsində peşəkar rəhbərlərin rolu xüsusi əhəmiyyət daşıyır.

Belə rəhbərlərdən biri də Gəncə Şəhər Baş Polis İdarəsinin rəisi, polis general-mayoru Teymur Hacıyevdir.

General-mayor Teymur Hacıyev daxili işlər orqanlarında uzun illər ərzində qazandığı zəngin təcrübəsi, peşəkarlığı və yüksək təşkilatçılıq bacarığı ilə seçilən rəhbərlərdən biridir. Onun fəaliyyəti dövlətə sədaqət, qanuna hörmət və xalqa xidmət prinsiplərinə əsaslanır.

Gəncə Azərbaycanın ikinci böyük şəhəri, qədim tarixi, zəngin mədəniyyəti və yüksək sosial-iqtisadi potensialı ilə seçilən strateji əhəmiyyətli şəhərlərdən biridir. Belə böyük şəhərdə ictimai asayişin qorunması, vətəndaş təhlükəsizliyinin təmin edilməsi, cinayətkarlığa qarşı mübarizənin effektiv təşkili və hüquq qaydasının möhkəmləndirilməsi yüksək peşəkarlıq və ciddi idarəçilik tələb edir.

Məhz bu baxımdan polis general-mayoru Teymur Hacıyevin rəhbərliyi ilə Gəncə Şəhər Baş Polis İdarəsinin fəaliyyəti mühüm əhəmiyyət daşıyır. İdarənin şəxsi heyəti qanunun aliliyinin təmin olunması, ictimai təhlükəsizliyin qorunması və vətəndaşların hüquqlarının müdafiəsi istiqamətində məsuliyyətlə xidmət edir.

Polis peşəsi zahirdən göründüyü qədər sadə deyil. Bu peşənin arxasında yuxusuz gecələr, təhlükəli əməliyyatlar, ağır məsuliyyət və böyük mənəvi yük dayanır. Polis əməkdaşı hər gün cəmiyyətin təhlükəsizliyi naminə risk edir. Onun xidməti yalnız vəzifə borcu deyil, həm də Vətənə verilmiş müqəddəs andın yerinə yetirilməsidir.

Bu ali prinsiplərə sadiq qalan rəhbərlərdən biri kimi Teymur Hacıyev həm şəxsi nümunəsi, həm də rəhbərlik etdiyi kollektivdə yaratdığı sağlam xidmət mühiti ilə seçilir. Onun rəhbərliyi altında nizam-intizam, operativlik, qanunçuluq və peşəkarlıq əsas fəaliyyət prinsipləri kimi ön planda saxlanılır.

Müasir dövrdə polis-vətəndaş münasibətlərinin inkişafı hüquq-mühafizə sisteminin əsas prioritetlərindən biridir. Cəmiyyət polisə nə qədər güvənirsə, dövlət də bir o qədər güclü olur. Bu etimadın qorunması isə hər bir polis əməkdaşının peşəkar davranışından, obyektiv mövqeyindən və insanlara münasibətindən asılıdır.

Teymur Hacıyevin rəhbərlik etdiyi kollektivdə vətəndaş müraciətlərinə həssas yanaşılması, qanun çərçivəsində operativ qərarların qəbul edilməsi və ictimai təhlükəsizliyin təmin olunması əsas vəzifələrdən hesab olunur. Bu yanaşma hüquq-mühafizə orqanlarına olan ictimai etimadın möhkəmlənməsinə xidmət edir.

Azərbaycan polisi 44 günlük Vətən müharibəsində də dövlətə və xalqa sədaqətini bir daha nümayiş etdirdi. Daxili işlər orqanlarının əməkdaşları arxa cəbhədə ictimai sabitliyin qorunması, təhlükəsizlik tədbirlərinin təmin olunması və dövlət maraqlarının müdafiəsi istiqamətində böyük fədakarlıq göstərdilər. Onların xidmətləri xalqımız tərəfindən yüksək qiymətləndirilir.

General-mayor Teymur Hacıyev kimi təcrübəli rəhbərlər daxili işlər orqanlarında formalaşmış peşəkarlıq məktəbinin davamçılarıdır. Onlar gənc əməkdaşlara öz təcrübələrini ötürür, qanunçuluq prinsiplərinin qorunmasına, xidməti intizamın möhkəmləndirilməsinə və yüksək peşə hazırlığının təmin olunmasına mühüm töhfə verirlər.

İnsan ömrü bəzən tutduğu vəzifə ilə deyil, gördüyü işlərlə ölçülür. Elə insanlar var ki, onların fəaliyyəti dövlətə xidmət nümunəsinə çevrilir. Polis general-mayoru Teymur Hacıyevin peşə yolu da məhz belə xidmət nümunələrindən biri kimi dəyərləndirilə bilər. Dövlət maraqlarını hər zaman üstün tutmaq, qanunun aliliyini qorumaq və cəmiyyətin təhlükəsizliyi naminə məsuliyyət daşımaq onun fəaliyyətinin əsas xüsusiyyətlərindəndir.

Azərbaycan polisinin qarşısında duran vəzifələr hər il daha da mürəkkəbləşir. Yeni texnologiyalar, informasiya təhlükəsizliyi, transmilli cinayətkarlıq və digər müasir çağırışlar hüquq-mühafizə orqanlarından daim yenilənməyi və peşəkarlığı artırmağı tələb edir. Bu baxımdan təcrübəli rəhbərlərin fəaliyyəti xüsusi əhəmiyyət daşıyır.

Bu gün Azərbaycan polisi beynəlxalq standartlara uyğun inkişaf edən, peşəkar kadr potensialına malik, müasir idarəetmə prinsiplərini tətbiq edən hüquq-mühafizə orqanıdır. Onun uğurlarında rəhbər heyətin, o cümlədən polis general-mayoru Teymur Hacıyev kimi peşəkar rəhbərlərin əməyini xüsusi qeyd etmək lazımdır.

Əziz Teymur müəllim!

2 İyul – Azərbaycan Polisi Günü münasibətilə Sizi səmimi-qəlbdən təbrik edir, Sizə möhkəm cansağlığı, uzun ömür, ailə səadəti və şərəfli xidmətinizdə yeni uğurlar arzulayırıq.

Arzu edirik ki, rəhbərlik etdiyiniz kollektiv bundan sonra da dövlətimizin qanunçuluq siyasətinə, ictimai təhlükəsizliyin təmin edilməsinə və vətəndaş məmnunluğunun artırılmasına layiqli töhfələr verməyə davam etsin.

Sizin simanızda Gəncə Şəhər Baş Polis İdarəsinin bütün şəxsi heyətini, eləcə də Azərbaycan Respublikasının bütün polis əməkdaşlarını peşə bayramı münasibətilə ürəkdən təbrik edir, gecə-gündüz Vətənimizin keşiyində dayanan hər bir polis əməkdaşına təşəkkürümüzü bildiririk.

Qoy Azərbaycan polisi həmişə xalqın inamını doğruldan, dövlətimizin gücünü və nüfuzunu artıran, qanunun aliliyini qoruyan və cəmiyyətimizin təhlükəsizliyini təmin edən müqəddəs missiyasını bundan sonra da şərəflə davam etdirsin.

2 İyul – Azərbaycan Polisi Günü münasibətilə bütün polis əməkdaşlarının peşə bayramı mübarək olsun!

Hürü Hacızadə

Yazıçı-publisist

“Qızıl qələm” mükafatçısı

Pərvanə İmamquliyeva
Gəncə şəhəri 13 saylı körpələr evi–uşaq bağçasının müdiri,
Gəncə şəhər GDRTİ-nin MTM üzrə Yeni Azərbaycan Partiyasının sədri, ictimai xadim

Fərid Səfərov

Azərbaycan Jurnalistlər Birliyinin üzvü

Azərbaycan Vətən Müharibəsi Veteranları İB-nin fəxri üzvü

Şərafəddin Xankişiyev

XTQ-nin baş giziri

Hərbi ekspert

Hər ay 800 avro təqaüd almaq şansınız var

12 illik təcrübəyə sahib @globeduaz xaricdə təhsil şirkətinin rəhbəri Aliyə Omurəliyeva “Xəbər ertəsi” verilişinin qonağı olub.

Şirkət rəhbəri xaricdə təhsil almaq istəyən tələbələr üçün pulsuz, eyni zamanda təqaüd almaq imkanlarının olmasından söhbət açıb.

Belə ki, Edu Global ilə Slovakiyanın dövlət universitetlərində müxtəlif ixtisaslar üzrə bakalavr, magistratura və doktorantura üzrə təhsil ala bilərsiz.

Layihənin rəhbəri: Akademik, “Atatürk” mərkəzinin rəhbəri Nizami Cəfərov.

Məsləhətçi: Azərbaycan Ağsaqqallar Şurası İdarə Heyətinin üzvü, hüquq elmləri doktoru, professor, ictimai-siyasi xadim İbrahim Quliyev.

Dövlətə sədaqətin, qanunun keşiyində xidmətin nümunəsi – Sabunçu Rayon Polis İdarəsinin rəisi, polis polkovniki Cavid Muradov

Azərbaycan Respublikasında hüquq-mühafizə orqanları dövlətçiliyin, ictimai sabitliyin və vətəndaş təhlükəsizliyinin qorunmasında mühüm rol oynayır. Bu sistemin əsas dayaqlarından biri olan polis orqanları hər gün vətəndaşların təhlükəsizliyi, hüquq və azadlıqlarının müdafiəsi, cinayətkarlığa qarşı mübarizə və ictimai asayişin təmin olunması istiqamətində böyük məsuliyyət daşıyırlar. Bu məsuliyyətli və şərəfli xidmətin uğurla həyata keçirilməsində peşəkar rəhbər kadrların fəaliyyəti xüsusi əhəmiyyət kəsb edir.

Sabunçu Rayon Polis İdarəsinin rəisi, polis polkovniki Cavid Muradov da hüquq-mühafizə orqanlarında uzun illər qazandığı peşəkar təcrübəsi, qanunun aliliyinə sadiqliyi və xidmətdə nümayiş etdirdiyi prinsipial mövqeyi ilə seçilən rəhbərlərdən biri kimi tanınır.

Polis xidməti yalnız peşə deyil, həm də böyük məsuliyyət, yüksək vətənpərvərlik və insanlara xidmət missiyasıdır. Bu peşəni seçən hər bir əməkdaş gecə-gündüz demədən cəmiyyətin təhlükəsizliyi naminə çalışır. Rayon polis idarələrinin rəhbərləri isə həm şəxsi heyətin fəaliyyətinin koordinasiyasına, həm də ictimai asayişin qorunması istiqamətində görülən tədbirlərin səmərəli təşkilinə görə xüsusi məsuliyyət daşıyırlar.

Cavid Muradovun rəhbərlik etdiyi Sabunçu Rayon Polis İdarəsində qanunçuluğun möhkəmləndirilməsi, cinayətlərin qarşısının alınması, hüquq pozuntularının operativ araşdırılması və vətəndaş müraciətlərinə həssas yanaşmanın təmin edilməsi istiqamətində həyata keçirilən fəaliyyət hüquq-mühafizə sisteminin əsas prinsiplərinə söykənir.

Müasir dövrdə polis fəaliyyətinin əsas istiqamətlərindən biri də vətəndaş məmnunluğunun təmin olunması, ictimai etimadın gücləndirilməsi və hüquqi maarifləndirmənin inkişaf etdirilməsidir. Bu baxımdan peşəkar rəhbərliyin rolu əvəzsizdir. Polis əməkdaşlarının xidməti fəaliyyətinin düzgün təşkili, intizamın qorunması və operativliyin artırılması rəhbərlikdən yüksək təşkilatçılıq bacarığı tələb edir.

Sabunçu rayonu Bakı şəhərinin ən iri və strateji əhəmiyyətə malik inzibati rayonlarından biridir. Əhalisinin çoxluğu, sənaye müəssisələrinin, yaşayış massivlərinin və mühüm nəqliyyat infrastrukturlarının yerləşməsi hüquq-mühafizə orqanlarının fəaliyyətini daha da məsuliyyətli edir. Belə mürəkkəb şəraitdə ictimai asayişin etibarlı qorunması, cinayətkarlığa qarşı mübarizənin səmərəli təşkili və profilaktik tədbirlərin həyata keçirilməsi peşəkar idarəetmənin göstəricisidir.

Polis polkovniki Cavid Muradovun rəhbərlik etdiyi kollektiv öz gündəlik fəaliyyətində Azərbaycan Respublikasının Konstitusiyasını, qanunvericiliyi və daxili işlər orqanlarının qarşısında qoyulan vəzifələri rəhbər tutur. Xidmətdə intizamın möhkəmləndirilməsi, əməkdaşların peşəkarlığının artırılması və qanunun aliliyinin təmin olunması hüquq-mühafizə orqanlarının fəaliyyətində əsas istiqamətlərdəndir.

Bu gün Azərbaycan polisi müasir çağırışlara uyğun inkişaf edir. Rəqəmsal texnologiyaların tətbiqi, operativ-axtarış fəaliyyətinin təkmilləşdirilməsi, kibercinayətkarlıqla mübarizə imkanlarının genişləndirilməsi, ictimai təhlükəsizliyin müasir standartlara uyğun təmin edilməsi daxili işlər orqanlarının fəaliyyətinin ayrılmaz hissəsinə çevrilib. Bu proseslərdə bütün struktur bölmələrinin rəhbərləri kimi rayon polis idarələrinin də üzərinə mühüm vəzifələr düşür.

Azərbaycan polisi Vətən müharibəsi dövründə də öz vəzifələrini yüksək peşəkarlıqla yerinə yetirdi. Daxili sabitliyin qorunması, təhlükəsizlik tədbirlərinin gücləndirilməsi, dövlət maraqlarının müdafiəsi istiqamətində polis əməkdaşlarının fədakar xidməti cəmiyyət tərəfindən yüksək qiymətləndirildi. Bu ənənə bu gün də uğurla davam etdirilir.

Hüquq-mühafizə sistemində çalışan hər bir rəhbər üçün əsas meyar qanunun aliliyinə sadiqlik, obyektivlik, ədalətlilik və vətəndaşlara hörmət prinsipləridir. Məhz bu prinsiplər polis-vətəndaş münasibətlərində qarşılıqlı etimadın formalaşmasına xidmət edir. Güclü dövlətin əsas dayaqlarından biri də hüququn aliliyinin təmin olunmasıdır və bu istiqamətdə polis əməkdaşlarının fəaliyyəti xüsusi önəm daşıyır.

Peşəkar kollektivin formalaşdırılması, xidmətdə nizam-intizamın qorunması, cinayətkarlığa qarşı qətiyyətli mübarizə, profilaktik tədbirlərin davamlı şəkildə həyata keçirilməsi və vətəndaş müraciətlərinə qanun çərçivəsində baxılması hüquq-mühafizə orqanlarının gündəlik fəaliyyətinin əsas istiqamətləridir. Bu istiqamətdə həyata keçirilən işlər ölkədə ictimai təhlükəsizliyin möhkəmlənməsinə xidmət edir.

Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən hüquq-mühafizə orqanlarının maddi-texniki bazasının gücləndirilməsi, əməkdaşların sosial müdafiəsinin yaxşılaşdırılması və polis xidmətinin müasir standartlara uyğun inkişaf etdirilməsi istiqamətində həyata keçirilən ardıcıl dövlət siyasəti daxili işlər orqanlarının fəaliyyətinin daha da təkmilləşməsinə mühüm töhfə verir.

Bu gün Azərbaycan polisi dövlətə, xalqa və qanuna sədaqət prinsipi ilə fəaliyyət göstərərək ölkədə sabitliyin və təhlükəsizliyin təmin edilməsində öz məsuliyyətli missiyasını layiqincə yerinə yetirməkdə davam edir. Bu şərəfli missiyanın həyata keçirilməsində Sabunçu Rayon Polis İdarəsinin şəxsi heyətinin də üzərinə mühüm vəzifələr düşür və onların fəaliyyəti cəmiyyətin təhlükəsizliyinə xidmət edir.

Sabunçu Rayon Polis İdarəsinin rəisi, polis polkovniki Cavid Muradovu, rəhbərlik etdiyi şəxsi heyəti və bütün Azərbaycan polisi əməkdaşlarını Azərbaycan polisinin yaranmasının 108-ci ildönümü münasibətilə səmimi qəlbdən təbrik edir, onlara möhkəm cansağlığı, ailə səadəti, məsuliyyətli və şərəfli xidmətlərində yeni uğurlar arzulayırıq.

Siz, arxa cəbhənin qəhrəmanlarısınız. Fədakar peşə sahiblərisiniz. Vətənin azadlığı uğrunda canından keçən qəhrəman polislərimizin əziz xatirəsi daim qəlbimizdədir. Şəhid polislərin ruhu şad olsun!

Qoy Azərbaycan polisi bundan sonra da dövlətçiliyimizin, qanunun aliliyinin, ictimai asayişin və vətəndaş təhlükəsizliyinin etibarlı təminatçısı kimi öz şərəfli missiyasını uğurla davam etdirsin.

Peşə bayramınız mübarək!

Şəhid polislərimizin məqamları uca olsun. Ruhları qarşısında baş əyirik!

Böyük ehtiramla,

Hürü Hacızadə

Yazıçı-publisist,

“Qızıl qələm” mükafatçısı

Şərafəddin Xankişiyev

XTQ-nin baş giziri, Vətən müharibəsi qəhrəmanı,

Hərbi ekspert

Və

Layihənin komandası

30 aprel 1999-cu il tarixində Ulu Öndər Heydər Əliyev Azərbaycan Ordusunun tarixində yeni bir mərhələnin əsasını qoydu. Azərbaycan Silahlı Qüvvələrinin tərkibində Xüsusi Təyinatlı Qüvvələr yaradı. XTQ qısa müddətdə yüksək peşəkarlığı, döyüş hazırlığı, çevikliyi və Vətənə sonsuz sədaqəti ilə ordumuzun ən güclü bölmələrindən birinə çevrildi. Xüsusi Təyinatlı Qüvvələrin şəxsi heyəti hər zaman ən çətin və məsuliyyətli döyüş tapşırıqlarının yerinə yetirilməsində ön sıralarda yer aldı.

Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı cənab İlham Əliyevin rəhbərliyi ilə orduda genişmiqyaslı islahatlar həyata keçirildi. Müasir silah və texnikalar alınaraq ordunun arsenalına daxil edildi, beynəlxalq standartlara uyğun hazırlıq sistemi quruldu, hərbi qulluqçuların sosial təminatı gücləndirildi və nəticədə Azərbaycan Ordusu regionun ən güclü ordularından birinə çevrildi.

2020-ci ildə baş vermiş 44 günlük Vətən müharibəsi Azərbaycan Ordusunun gücünü, peşəkarlığını və yüksək döyüş qabiliyyətini bütün dünyaya nümayiş etdirdi. Azərbaycan əsgəri, zabiti və Xüsusi Təyinatlıları misilsiz qəhrəmanlıq göstərərək torpaqlarımızı işğaldan azad etdilər. Sonrakı dövrlərdə həyata keçirilən əməliyyatlar, dövlət sərhədlərinin bərpası, eləcə də 2022 və 2023-cü illərdə keçirilmiş antiterror tədbirləri Azərbaycanın ərazi bütövlüyünün tam bərpası ilə nəticələndi.

Bu şanlı döyüş yolunun qəhrəman iştirakçılarından biri də uzun illər Xüsusi Təyinatlı Qüvvələrin sıralarında şərəflə xidmət etmiş baş gizir Şərəfəddin Xankişiyevdir.

Şərəfəddin Xankişiyev 22 il 9 ay ərzində Azərbaycan Respublikasının Xüsusi Təyinatlı Qüvvələrinin döyüş bölmələrində xidmət etmiş, Vətənə sədaqətin, peşəkarlığın və qəhrəmanlığın canlı nümunəsinə çevrilmişdir. O, xidmət etdiyi bütün dövrlərdə komandirlərinin etimadını qazanmış, döyüş yoldaşları arasında böyük hörmət və nüfuz sahibi olmuşdur.

2012–2016-cı illər ərzində dəfələrlə düşmənin dərinliyində fəaliyyət göstərən kiçik kəşfiyyat qruplarının tərkibində xüsusi tapşırıqları yerinə yetirmiş, qarşıya qoyulan bütün vəzifələri uğurla icra etmişdir. Onun iştirak etdiyi əməliyyatlar Azərbaycanın müdafiə qabiliyyətinin möhkəmlənməsinə və düşmənin planlarının ifşa olunmasına mühüm töhfələr vermişdir.

Şərəfəddin Xankişiyev 2016-cı ilin Aprel döyüşlərində iştirak etmişdir. Daha sonra 2020-ci ilin 44 günlük Vətən müharibəsində ön sıralarda döyüşərək bir çox yaşayış məntəqələrinin və rayonların azad olunmasında iştirak etmişdir. Müharibənin ən çətin anlarında belə döyüş tapşırıqlarını yüksək peşəkarlıqla yerinə yetirmiş və döyüş yolunu şərəflə davam etdirmişdir.

2021-ci ildə Kəlbəcər istiqamətində dövlət sərhədlərinin müəyyənləşdirilməsi və bərpası əməliyyatlarında fəal iştirak etmişdir.

2022-ci ilin sentyabr döyüşlərində göstərdiyi cəsarət, qətiyyət və fədakarlıqla xüsusi seçilmişdir. Döyüş meydanında nümayiş etdirdiyi soyuqqanlılıq, liderlik və peşəkarlıq döyüş yoldaşları və komandirləri tərəfindən yüksək qiymətləndirilmişdir. Bu döyüşdə Şərəfəddin Xankişiyev düşmənin bir çox döyüş texnikalarını, dəyərli kəşfiyyat maşınlarını və canlı qüvvələrini sıradan çıxartmışdır.

2023-cü ildə keçirilən lokal antiterror tədbirlərində də iştirak edən Şərəfəddin Xankişiyev Azərbaycan bayrağının Qarabağın bütün ərazilərində dalğalanması uğrunda aparılan əməliyyatların fəal iştirakçılarından olmuşdur.

O, antiterror tədbirlərindən 7 gün əvvəl, 32 ildən sonra Xankəndi torpaqlarına qədəm qoyan ilk iki kəşfiyyatçıdan biri olmuş, düşmən fəaliyyətini ordumuza ötürməyi bacaran ən fəal kəşfiyyatçılardan biri olub. Azərbaycan hərb tarixinin şərəfli səhifələrindən birinə öz adını yazdırmışdır. Antiterror əməliyyatları zamanı da düşmənə sarsıdıcı zərbələr endirmiş, ölkəmizin ərazi bütövlüyünün tam bərpası uğrunda böyük şücaət göstərmişdir.

Lakin Şərəfəddin Xankişiyevin xidmətləri yalnız döyüş meydanı ilə məhdudlaşmır. O, hərbi xidmətdən təqaüdə ayrıldıqdan sonra da Vətənə xidmət etməyi özünün mənəvi borcu hesab edir.

Şərəfəddin, Xüsusi Təyinatlı Qüvvələrin şəhid ailələri, qazilər və veteranlar birliyinin rəhbəri Məmmədzadə Bəhruznan fəaliyyətlərdə yaxından iştirak edir. Döyüş yoldaşları ilə birlikdə şəhid ailələrini ziyarət edir, qazilərlə görüşür, şəhidlərimizin əziz xatirəsini daim yad edir və silahdaşları ilə sıx əlaqələr saxlayır.

Gənc nəslin vətənpərvərlik ruhunda yetişdirilməsi istiqamətində də fəal fəaliyyət göstərən Şərəfəddin Xankişiyev müxtəlif məktəblərdə, tədbirlərdə və vətənpərvərlik görüşlərində iştirak edir, keçdiyi döyüş yolunu gənclərlə bölüşür. O, gənclərə Vətən sevgisini, dövlətə sədaqəti, milli-mənəvi dəyərlərə bağlılığı və hərbçi peşəsinin müqəddəsliyini aşılayır.

26.06.2026 tarixində Şərəfəddin Xankişiyev silahdaşı Ədalət Məmmədov ilə birlikdə Azərbaycan Respublikasının Gənclər və İdman Nazirliyinin Bakı Gənclər Mərkəzində təşkil etdiyi tədbirdə gənclərlə görüş keçirmişdir. Görüş zamanı gənclərin bilik səviyyəsinin və vətənpərvərlik ruhunun artırılması məqsədilə müxtəlif yarışlar təşkil olunmuş, iştirakçılara keçdikləri döyüş yolları haqqında məlumat verilmişdir. Fərqlənən gənclər sertifikatlar təltif etmişdir.

Şərəfəddin Xankişiyev çıxışında qeyd etmişdir ki, xalqa xidmət etmək onun üçün ən böyük qürur və şərəfdir. O vurğulamışdır: “Mən bu Vətənin övladıyam. Damarlarımda axan qan Azərbaycan qanıdır və Vətənə xidmət etmək mənim həyat amalım olub.”

Belə qəhrəman oğullar Azərbaycan xalqının qürur mənbəyidir. Onların keçdiyi şərəfli yol, göstərdikləri qəhrəmanlıq və fədakarlıq gələcək nəsillər üçün örnəkdir. Dövlətimizin müstəqilliyi, xalqımızın təhlükəsizliyi və torpaqlarımızın bütövlüyü naminə xidmət etmiş hər bir hərbçi xalqımızın sonsuz ehtiramını qazanmışdır.

Şərəfəddin Xankişiyev!

Sizə möhkəm can sağlığı, uzun ömür, ailə səadəti, firavan həyat və gələcək fəaliyyətinizdə yeni-yeni uğurlar arzulayırıq.

Sizin kimi Vətəninə sədaqətlə xidmət edən qəhrəman oğullarımız xalqımızın ən böyük qürurudur. Keçdiyiniz şərəfli döyüş yolu hər zaman hörmətlə xatırlanacaq və gələcək nəsillərə nümunə olacaqdır.

Allah Sizi, ailənizi, bütün hərbçilərimizi və Azərbaycanımızı qorusun!

Yaşasın Azərbaycan Ordusu!

Yaşasın Azərbaycan əsgəri!

Yaşasın Azərbaycanın Müzəffər Silahlı Qüvvələri!

Yaşasın Ali Baş Komandan cənab İlham Əliyev!

Qarabağ Azərbaycandır!

Hürü Hacızadə

Yazıçı-publisist

“Qızıl qələm” mükafatçısı

Fərid Faiqoğlu

AJB-nin üzvü